ისევ ერთად, ამჯერად დინამო არენაზე
8 მაისს, რბენის დაწყებიდან 30 წუთში ვირტუალური ფინიშის მანქანა რამდენიმე ადგილზე დაიძვრება და მონაწილეებს გავლილ მანძილს აუთვლის, მათ შორის დინამო არენაზეც, სადაც Wings for Life World Run-ის მონაწილეები შეიკრიბებიან.
აპლიკაციის სირბილი რომ სახალისოა, ამას დამტკიცება აღარ სჭირდება. მთელ მსოფლიოში, მილიონობით ადამიანი მხარდამხარ თუ მარტო, საერთო მიზნისთვის დარბის და თან, ერთმანეთს, ქვეყნის შიგნით თუ საზღვრებს გარეთ, უნიკალური აუდიო გამოცდილებით უკავშირდება.
აი, რა უნდა იცოდე აპლიკაციის შესახებ
Wings for Life World Run-ის აპლიკაციის გადმოწერას შეძლებ App Store ან Google Play-დან. მისი გამოყენება უკვე ქართულადაც შეგიძლია, ამისთვის ტელეფონის პარამეტრებიდან ქართული ენა პრიორიტეტად უნდა აირჩიო. რეგისტრაციის საფასური, 8 ევროს ეკვივალენტი ლარში ისევ სრულად ირიცხება Wings for Life ფონდში, ზურგის ტვინის დაზიანების განსაკურნებლად. დიახ, არ მოგეჩვენათ. აპლიკაცია სრულად ვთარგმნეთ.
მეორე მთავარი სიახლე რბენის დღის გამოცდილების ქართულად თარგმნაა. ხალისიანი ელენე კალანდაძე მონაწილეების გამხნევებას მთელი რბენის მანძილზე შეეცდება. მიკი ჯეჯელავა კი, დღის მთავარი ანტაგონისტი, ფინიშის მანქანის ხმა იქნება.
შეკითხვების გარეშე: 8 მაისს, დინამო არენაზე!
თუ ერთხელ მაინც ტრიბუნიდან გიოცნებია მოედანზე ყოფნაზე, ეს შანსი უნდა გამოიყენო. გარდა იმისა, რომ დინამო არენაზე ირბენ და თან, კარგი მიზნისთვის, სხვა მონაწილეებთან ერთად ყოფნა ერთიანობის ემოციებს გაგიცოცხლებს (მოდი, შევთანხმდეთ, 2 წლიანი პანდემიის შემდეგ, ეს არავის გვაწყენს). ორგანიზატორები იზრუნებენ შენს გამხნევებაზე: გამახურებელი ვარჯიშის შემდეგ, საერთო სტარტის ემოციები დამატებით ენერგიას მოგცემს უფრო შორს გაექცე ვირტუალურ ფინიშის მანქანას, რბენის დროს ბილიკთან ახლოს დაგხვდება წყალი და რედ ბული, პირადი მიღწევის აღნიშვნა კი მარტო აღარ მოგიწევს და ყველა ერთად გავიზიარებთ რბენის დასრულების სიხარულს. მგონი საკმარისი მიზეზია, რომ ახლავე დარეგისტრირდე.
არ დაგავიწყდეს, 8 მაისს, 15:00 საათზე, ვირტუალური ფინიშის მანქანის წინააღმდეგ დინამო არენაზე გავერთიანდებით.
