ნაბიჯი მომავლისკენ
უბედური ავტოსაგზაო შემთხვევის შემდეგ არავის სჯეროდა, რომ ჰოლანდიელი გერტ-იან ოსკამი მომავალში კვლავ შეძლებდა დამოუკიდებლად საირულს, თუმცა, ყველას და გასაკვირად, გერტი შარშანდელი World run-ის მონაწილეთა სიაში აღმოჩნდა. ოსკამს უკვე თავადაც კი უჭირს 2011 წლის ავარიის კვალის მეხსიერებაში პოვნა. ავარია გონებაში ფლეშბექების სახითღა შემორჩა, სასწრაფო დახმარების მანქანაში საშინელი ტკივილის განცდა, ექიმის შეკითხვა შეძლებდა თუ არა იგი მკურნალობისთვის აუცილებელი საკმაოდ დიდი ხარჯების გაღებას, იმის გაცნობიერება, რომ ტანის ქვედა ნაწილი თითქმის აღარ ემორჩილებოდა დანარჩენ სხეულს, ეს იმ დეტალების მოკლე, თუმცა სრული სიაა, რომელიც დღესდღეობით გერტისა და წარსულის მძიმე გამოცდილების ერთმანეთთან დაკავშირებას ჯერ კიდევ ახერხებს.
იმ დროს, როდესაც ავარია მოხდა ოსკამი ერთ-ერთ ჩინურ კომპანიაში ლოჯისტიკის კოორიდნატორის თანამდებობას იკავებდა, ჰოლანდიისკენ მიმავალ თვითმფრინავში მჯდარი ოსკამი თითქმის დარწმუნებული იყო, რომ სამშობლოში აღმოჩენილი სამედიცინო დახმარების შედეგად იგი უპრობლემოდ შეძლებდა ავარიამდელ კონდიციაში დაბრუნებას. მისდა სამწუხაროდ, ვერც ჰოლანდიელმა ექიმებმა შეძლეს ოსკამის დაიმედება და ცხვირთან საჩვენებელი თითის მიტანის უნარიც სამედიცინო წარმატებად ჩათვალეს, სწორედ აქ გადაწყვიტა ოსკამმა ყველანაირი საშუალებით დაემტკიცებინა, რომ მკურნალი ექიმი ცდებოდა და სულ მალე იგი მაინც მიაღწევდა შედეგს, როდესაც ხელის მოძრაობის მარტივი მოძრაობის ერთადერთი უნარს მთელი სხეულის აქტიური მოტორულობა დაემატებოდა.
ავარიიდან პირველი რამდენიმე წელი ოსკამმა აქტიურ ფიზიკურ და ფსიქოლოგიურ ვარჯიშში გაატარა, იგი ცდილობდა მაქსიმალურად შეენარჩუნებინა სხეულის ტონუსი, ვარჯიშის პარალელურად, საკუთარი სავარძლის დახმარებით, რაგბის თამაშიც დაიწყო, ოსკამი ყოველთვის ამბოდა, რომ ამ გზით იგი ცდილობდა ენერგიის მაქსიმალური რაოდენობის კონცენტრაციას, რათა მოეხერხებინა და ყოველდღიური ჩვევები, რომლებიც მსგავსი ტიპის მდგომარეობაში მყოფი ადამიანისგან ორმაგ ენერგიას მოითხოვს, რაც შეიძლება მარტივად შეესრულებინა, ნახსენებ პერიოდში ჰოლანდიელისთვის ტანსაცმლის ჩაცმაც კი მისგან საკმაოდ დიდი ძალისხმევას მოითხოვდა. იმედის პირველი ნაპერწკალი თავის მკურნალ ექიმთან ერთ-ერთი საუბრის შემდგომ გაჩნდა, როდესაც ექიმმა ოსკამმს გააცნო შვეიცარიაში შემუშავებული ინოვაციური მეთოდი ე.წ. STIMO (Stimulation Movement Overground), ექიმის აზრით, ეს ფეხზე დადგომის უალტერნატივო გზა იყო, ჩვეულებრივი ვარჯიშის გაგრძელება უკვე ვეღარ შეძლებდა იმ შედეგის მოტანაც, რისკენაც ოსკამი ამდენი წლის განვმალობაში იღწვოდა.
ოსკამი ნახსენებ პროგრამაში 2017 წელს ჩაერთო და შვიდთვიანი საცდელი პროგრამის გასავლელად ლოზანის უნივერსიტეტში გაემგზავრა. მკურნალობის პირველ ეტაპზე ქირურგიული ჩარევის დახმარებით, ოსკამის ზურგში ელექტროდები მოათავსეს, ელექტრონული პულსირების დახმარებით შესაძლებელი ხდებოდა ზურგის ტვინისთვის იმპულსების მიწოდება, რაც, თავის მხრივ, კუნთების სტიმულირებას უწყობდა ხელს, მთელი ეს პროცესი ემსახურებოდა ერთ მიზანს, იმ ნერვების ფუნქციის აღდგენას, რომლებიც ავარიისგან მიყენებულ ზიანს გადაურჩნენ და ჯერ კიდევ შესწევდათ ძალა, ტვინიდან წამოსული მოძრაობის სიგნალი სხეულის ქვედა ნაწილამდე მიეტანათ. ქირურგიული ჩარევის შემდგომ, ოსკამმა მცირე ხნით კვლავ ლოზანის უნივერსიტეტში დარჩა, გაწელვების და ექიმთა დახმარებით ფეხზე რამდენიმე წუთიანი დგომის შემდგომ ოსკამმა ნელ-ნელა უკვე ნაბიჯების გადადგმაც დაიწყო, თუმცა ყველაფერს საშინელი ტკივილის გრძნობა სდევდა თან. მკურნალობის ბოლო ეტაპზე ოსკამს უკვე შეეძლო მცირე ნაბიჯების ყოველგვარი დახმარების გარეშე, დამოუკიდებლად გადადგმა.
დღესდღეობით 37 წლის ჰოლანდიელი იმაზე ექვსჯერ სწრაფად მოძრაობს, ვიდრე პროგრამაში ჩართვამდე შეეძლო, თუ პირველ ეტაპზე იციოდე მეტრის გავლის შემდგომ ოსკამს დასვენება სჭირდებოდა, ახლა აღნიშნული მანძილი 100 მეტრამდეა გაზრდილი, ოსკამი თავადაც ამბობს, რომ მისი მდგომარეობა საგრძნობლად გაუმჯობესდა, თუმცა სავარძელი კვლავ რჩება მისი ცხოვრების განუყოფელ ნივთად და უწინდელ მდგომარეობაში სრულყოფილად დასაბრუნებლად ჯერ კიდევ დიდი გზა არის გასავლელი.
ოსკამისთვის 2019 წლის World run-ში მონაწილეობის მიღება გამოცდილებისა და ახალი ცოდნის დაგროვების გზა იყო. უკანასკნელი 16 წლის განმავლობაში ორგანიზაცია Wings for life-მა 200-ზე მეტი პროექტის განხორციელებაში მიიღო მონაწილეობა და მათ წარმატებაში სასიცოცხლოდ აუცილებელი ფინანსური ხარჯების დაფარვაში საკმაოდ დიდი რესურსი ჩადო, STIMO-ც ერთ-ერთი იმ პროექტთაგანია, რომლის სწორი გზით განვითარებაში ორგანიზაცია აქტიურ როლს თამაშობს. რედ ბული, თავის მხრივ, მთლიანად ფარავს ფონდის ადმინისტრაციულ ხარჯებს, შესაბამისად, შემოსავლის მთელი რაოდენობა, რომელიც Wing For Life World Run-ის დროს გროვდება, ზურგის ტვინის დაზიანებების სამკურნალოდ ახალი მეთოდების აღმოჩენასა და მკურნალობის ინოვაციური გზების პოვნაში იხარჯება.
,, აღნინული ღონისძიება საკმაოდ განსხვავდება სხვა რბენებისგან, ხალხი აქ უფრო დასვენებული და ენთუზიაზმით სავსეა.“- ამბობს ოსკამი ივენთზე არსებული გარემოს აღწერისას და აქვე ამატებს, რომ ,, შეჯიბრზე მეტად, ივენთი ქველმოქმედებისა და ერთიანობის განცდის კონსტრუირებას ემსახურება.“ ჰოლანდიელმა უკანასკნელ რბენაზე, გადაადგილებაში დამხმარე მოწყობილობის საშუალებით 100 მეტრის დაფარვა შეძლო, თუმცა შედეგი მისთვის დამაკმაყოფილებელი არ იყო, ვინაიდან, როგორც შემდგომ გაირკვა, სახლის გარემოში იგივეს გაკეთებას 30 წუთის ნაცვლად 15 წუთში ახერხებდა. წინა წელს ოსკამმა დაგეგმილი ქირურგიული ოპერაციების გამო ვერ შეძლო გეგმების შესრულება და ღონისძიებაში მონაწილეობის მიღება, თუმცა 2021 წილს იგი კვლავ გეგმავს დაბრუნებას და ამჯერად უკვე 250 მეტრის დისტანციის დაფარვას.
