მსოფლიო რბენის ქართველი მონაწილეები წვიმისა და ქარის წინააღმდეგ

მაისის წვიმა მსოფლიო რბენის მონაწილეებს ვერ შეაჩერებს- ეს კიდევ ერთხელ დაამტკიცეს ინდივიდუალურად და გუნდურად მორბენლებმა. 9 მაისს, საქართველოში მსოფლიო რბენაში ასობით ადამიანი ჩაერთო და ზურგის ტვინის დაზიანების განკურნებიაში საკუთარი წვლილი შეიტანა.

ვისაც დინამოს მოედანზე სირბილი ოცნებად ჰქონდა, 9 მაისს აუხდა. გიორგი დანელიას და World Class Georgia-ს გუნმა ერთად ირბინა 1935 წელს აშენებულ ბორის პაიჭაძის სახელობის მოედანზე.

ნინო გოგუაძემ თავისი მოსწავლეები კუს ტბის ბილიკებზე შეკრიბა. სიმწვანეში სირბილი განსაკუთრებით სასიამოვნო აღმოჩნდა მომღერალი ელენე კალანდაძისთვის, მან 5 კმ-ის ნაცვლად, 7კმ ირბინა.

გიგა ძულიაშვილი კახეთის 2019 წლის რბენის გამარჯვებულ გაიანე უსტიანთან და სხვა მორბენლებთან ერთად  რუსთავში დარბოდა.

ლისის ტბის წრეზე შეხვდებოდით მერაბ დუკაშვილს და ჰენრი კუპრაშვილს, მსოფლიო რბენის კეთილი ნების ელჩებს, ასევე TraiLab-ის გუნდს.

მარტო, ქარბუქსა და წვიმაში ბათუმის ბულვარში დარბოდა მარი კორინთელი, წიგნის გამომცემელი და გადაცემა „ბიბლიოთეკის“ წამყვანი.

წელს მსოფლიო რბენას 184236 მონაწილე ჰყავდა. მათ მიერ შეგროვებული 4 100 000 ევრო სრულად მოხმარდება კვლევებს ზურგის ტვინის დაზიანების განსაკურნებლად.

აღნიშნთე  შედეგი, გადმოწერეთ სერტიფიკატი და თუ ჩვენსავით მოუთმენლად ელით 2022 წლის სირბილს, დარეგისტრირდით.

საქართველოს პირველი სამეული ქალებში:

1. გაიანე უსტიანი - 27,86 კმ
2. ნინა ჩუბინიშვილი - 23,02კ მ
3. ნინო გვალია - 21,89 კმ

საქართველის პირველი სამეული მამაკაცებში:

1. გიორგი ნადარაია- 40,21 კმ
2. იკა მოკერია - 37, 24კმ
3. დათო ნიკოლაშვილი- 36,72კმ

შევხვდებით 8  მაისს, 2022 წელს!